Ardhja e bashkatdhetarëve në Kosovë ka krijuar kolona të gjata në pikat kufitare me Serbinë.

Kryesisht kolona më të gjata janë krijuar te pika kufitare Dheu i Bardhë.

Qendra Kombëtare për Menaxhimin Kufitar, në raportin e fundit bënë të ditur se bashkatdhetarët po presin për të hyrë në Kosovë, nga pika kufitare Dheu i Bardhë rreth 1 orë e 20 minuta (80 min).

Kolona e veturave është 800 metra.

Pritje më të shkurta vërehen në pikën tjetër kufitare në Merdar, ku në këto orë të mëngjesit, për të hyrë në Kosovë pritjet janë 20-25 minuta, dhe kolona e veturave është vetën 50 metra.

Ndërsa, në vendkalimin kufitar në Muçibabë, për të hyrë në Kosovë duhet pritur vetëm 15 minuta.

Ndërkaq në Mutivodë pritjet janë 30 minuta.

Pikë kalimet e tjera kufitare janë të lira për qarkullim dhe pritja zgjat 3 deri 5 minuta./Arbresh.info/